“Biz husiylarning hujumlarini keskin qoralaymiz” — Erdog‘an

 

Turkiya prezidenti Rajab Toyyib Erdog‘an husiylarning Saudiya Arabistoni poytaxti Ar-Riyoddagi Qirol Xolid xalqaro aeroportiga qilgan hujumini qoraladi. U Anqaraning Saudiya Arabistoni va uning xalqini qo‘llab-quvvatlashini bildirdi. Bu haqda Anadolu agentligi xabar berdi.

 

Erdog‘an Anqarada vazirlar mahkamasi yig‘ilishidan so‘ng qilgan bayonotida hujumni noqonuniy va g‘ayriinsoniy deb atadi. U halok bo‘lganlarning yaqinlariga hamdardlik bildirib, jarohatlanganlarga tezroq sog‘ayib ketishni tiladi.

 

Turkiya rahbarining ta’kidlashicha, Anqara mintaqada tinchlik va barqarorlikni ta’minlash tarafdori hamda bu yo‘ldagi sa’y-harakatlarini davom ettiradi.

 

Erdo‘g‘an, shuningdek, Makka qo‘shma mudofaa kelishuvi yaqin kunlarda parlamentga tasdiqlash uchun kiritilishini ma’lum qildi.

 

Avvalroq Saudiya Arabistoni rasmiylari Ar-Riyod xalqaro aeroportiga qilingan hujum oqibatida 12 kishi halok bo‘lgani va 309 kishi jarohatlanganini bildirgan. Husiylarga qarshi arab koalitsiyasi vakili Turki al-Maliki hujum uchun Yamandagi husiylar harakatini ayblagan.