Yevropada energiya tanqisligi xavfi: Yevrokomissiya qish og‘ir kelishidan ogohlantirdi
Yoqilg‘i ta’minotidagi uzilishlar va energiya narxlarining oshishi Yevropada kelayotgan qish mavsumini murakkablashtirishi mumkin.
Yevrokomissiya yaqinlashib kelayotgan qish mavsumi juda og‘ir bo‘lishini kutmoqda. Bu haqda 14-oktyabr kuni Bryusselda tashkilot rasmiy vakili ma’lum qildi, deb yozadi DW.
Uning ta’kidlashicha, Yevropada energiya resurslari tanqisligi ehtimoli mavjud. Kelgusi oylarda energiya narxlarining sezilarli oshishi fonida vaziyat beqaror va oldindan aytish qiyin bo‘lib qolishi mumkin.
Yoqilg‘i ta’minotidagi uzilishlar AQSH va Isroilning Eronga qarshi urushi boshlanganidan keyin ishlab chiqarishdagi muammolar bilan bog‘liq. Sentabr oyida Yaqin Sharq va Rossiyadan dizel yoqilg‘isi eksporti jami kuniga 1,3 million barrelga qisqargan.
Narxlar oshishini jilovlash maqsadida Xalqaro energetika agentligiga a’zo davlatlar strategik zaxiralardan 100 million barrel neft va dizel yoqilg‘isini bozorga chiqarish choralarini muvofiqlashtirmoqda.
