Saida Mirziyoyeva Turkiya Prezidentining ikki rasmiysi bilan uchrashdi
Muzokaralarda ikki mamlakat o‘rtasidagi aloqalarni mustahkamlash va yangi tashabbuslarni amalga oshirish istiqbollari ko‘rib chiqildi.
O‘zbekiston Prezidenti Administratsiyasi rahbari Saida Mirziyoyeva Turkiya Respublikasi Prezidenti Kotibiyati rahbari Hasan Dog‘an hamda Prezident Administratsiyasi Bosh kotibi Haqqi Susmaz bilan uchrashdi.
Qayd etilishicha, O‘zbekiston va Turkiyaning o‘zaro bog‘lab turgan umumiy tarixi bor, tili, madaniyati, an’analari yaqin. Ko‘p qirrali munosabatlar aynan mana shunday mustahkam poydevor asosida izchil rivojlanib bormoqda.
Shuningdek, muloqot davomida hamkorlikni kengaytirish bo‘yicha navbatdagi amaliy qadamlar muhokama qilingani va har ikki tomon uchun manfaatli bo‘lgan yangi tashabbuslarni birgalikda amalga oshirish jarayonini davom ettirish kelishib olingani ma’lum qilindi.
