15 миллион ўзбекистонликнинг шахсий маълумотлари сиздирилгани айтилмоқда
Ҳукумат тизимларидан камида 15 миллион Ўзбекистон фуқаросининг шахсий маълумотлари ўғирланиб, Dark Webга жойлаштирилгани ҳақида хабарлар тарқалди.
Ижтимоий тармоқлар ва айрим манбаларда ҳукумат тизимларидан камида 15 миллион Ўзбекистон фуқаросининг шахсий маълумотлари ўғирланиб, Dark Web'га жойлаштирилгани ҳақида хабарлар тарқалди. Маълумотларга кўра, базада шахсни тасдиқловчи ҳужжатлар ва бошқа шахсий ахборотлар мавжуд бўлиши мумкин.
Киберхавфсизлик маркази мазкур хабарларни ўрганмоқда. Ҳозирда ҳолат юзасидан текширувлар олиб борилмоқда ва қўшимча маълумотлар тақдим этилиши режалаштирилган.
"Шахсий маълумотларингизни бошқа шахсларга ошкор этманг. Давлат ва бошқа электрон ахборот тизимларига киришда мураккаб логин ва пароллардан фойдаланинг, шубҳали ҳаволалар орқали ўз маълумотларингизни киритишдан сақланинг" - дейилади хабар матнида.
