Африкада фавқулодда ҳолат эълон қилинди
Маймунчечак сабаб қитъада одамлар вафот этмоқда.
Африка касалликларни назорат қилиш ва олдини олиш маркази Африканинг бир қатор мамлакатларида давом этаётган Mpox (маймунчечак) эпидемияси туфайли қитъада фавқулодда ҳолат эълон қилиш тўғрисида қарор қабул қилди.
Африкадаги касаллик минглаб одамларга таъсир қилмоқда ва бу Бутун Африка қитъаси учун катта муаммога айланди.
Таъкидланишича, Африкадаги вируснинг янги тўлқини генетик мутацияга учраган. 2024 йилда Mpox билан касалланганлар сони аллақачон 13 мингдан ошди.
Эслатиб ўтамиз, июль ойида Конго демократик Республикаси ҳукумати 2024 йилда мамлакатда маймунчечакдан 450 киши вафот этганини хабар қилганди.
