Andijon tuman hokimligi matbuot xizmati bergan xabarga ko‘ra, yong‘in 12 dekabr kuni soat 13:41 larda Andijon tumani “Sanoat” MFY Sanoatchi ko‘chasidagi uyda boshlangan. Ikkita yong‘in-qutqaruv ekipaji soat 13:43 da voqea joyiga yetib borgan va yong‘in soat 13:46 da qurshab olinib, soat 14:04 da o‘chirilgan.
Hodisa oqibatida ushbu xonadonda yashovchi 1959 yilda tug‘ilgan M.A. olgan tan jarohati sabab voqea sodir bo‘lgan joyda vafot etgan. Uning farzandi 1991 yilda tug‘ilgan Z.A. esa 85 foiz kuyish jarohati bilan Respublika shoshilinch tibbiy yordam ilmiy markazining Andijon filialiga yotqizilgan.
Maʼlum bo‘lishicha, yong‘in isitish pechidan foydalanishda ehtiyotsizlik oqibatida kelib chiqqan. Uyning 40 metr kvadrat qismi yonib zararlangan, 200 metr kvadrat qismi saqlab qolingan.
Qo‘qon shahrida ham baxtsiz hodisa kuzatildi. Uyidagi gazni tekshirib ko‘rish uchun gugurt chaqqan fuqaro gaz portlashi oqibatida vafot etdi. Yonida bo‘lgan ukasi esa kuyish jarohati bilan shahar tibbiyot markaziga joylashtirildi. Holat yuzasidan tergovga qadar tekshiruv harakatlari boshlandi.
Farg‘ona viloyati Qo‘qon shahrida honadonda gaz chaqnashi oqibatida bir nafar fuqaro vafod etdi, deya xabar bermoqda viloyat Favqulodda vaziyatlar boshqarmasi matbuot xizmati.
Olib borilgan o‘rganish davomida aniqlanishicha, 12 dekabr kuni soat 15:24 da shaharning A.Navoiy mavzesida yashovich fuqaro D.N. uyidagi gazni tekshirib ko‘rish maqsadida gugurt chaqqan paytda gaz va havo aralashmasi natijasida portlash sodir bo‘lgan. Oqibatda D.N. xodisa joyida vafot etgan.
U bilan birga bo‘lgan ukasi fuqaro B.N. tanasining turli joylaridan kuyish jaroxati bilan Qo‘qon shahar tibbiyot markaziga joylashtirilgan.
Mazkur holat yuzasidan xozirda Qo‘qon shahar prokuraturasi tomonidan tergovga qadar tekshiruv harakatlari orlib borilmoqda.
