Angliyaning janubi-g‘arbiy qismidagi Bat shahrida minglab g‘urra, qurbaqa va tritonlarni himoya qilish maqsadida Charlcombe Lane yo‘li olti haftaga yopildi.
Bu chora amfibiyalarning ko‘payish joylariga ommaviy ko‘chishi vaqtida ularning xavfsizligini taʼminlash uchun qabul qilindi.
Yo‘l 23 martga qadar transport harakatlari uchun yopiq qoladi. Bunday amaliyot Buyuk Britaniyada 2003 yildan beri qo‘llaniladi. Ilgari migratsiya paytida amfibiyalarning 62 foizi avtomobillar ostida nobud bo‘lar edi, ammo 2024 yilda bu ko‘rsatkich atigi 6 foizni tashkil qildi.
O‘tgan yil 14 yil ichidagi eng faol mavsumlardan biri bo‘ldi: Charlcombe Lane yo‘lining 0,8 km qismini 3 200 ta amfibiya qamrab olgan.
Hududdagi amfibiyalar soni hozircha barqaror. Biroq mamlakat bo‘ylab ularning umumiy soni kamaymoqda. U iqlim o‘zgarishi tufayli amfibiyalar migratsiyasining eng qulay vaqtini oldindan aniqlash qiyinlashganini taʼkidladi, shu bois yo‘lni olti haftaga yopish to‘g‘ri qaror deb hisoblaydi.