AQSH Avstraliya shimoliga yadro bombalari olib yurishga mo‘ljallangan B-52 bombardimonchi samolyotlarini joylashtirmoqchi. Bu haqda Reuters agentligi xabar berdi.
Taxminlarga ko‘ra, buning uchun Tindal aviabazasida zarur obyektlar quriladi. Vashington buni “Eskadrilyaning operativ markazi” deb atamoqda.
O‘z navbatida ABC telekanali hukumat tomonidan ishlab chiqilgan texnik markazning rejasi suratlarini eʼlon qilgan. Ushbu baza AQSH hukumatiga 100 million dollarga tushishi taxmin qilinmoqda. Bombardimonchilar uchun turish joyi 2026 yil yakunigacha qurib bitkaziladi.
Avstraliya mudofaa vazirligi bu xabarga izoh bermagan.