Qo‘shma Shtatlar Koreya yarim orolini yadrosizlantirish bo‘yicha KXDR bilan muzokaralar olib borishga tayyor. Bu haqda AQSH Mudofaa vazirligi matbuot kotibi Jon Kirbi Fox News telekanali orqali maʼlum qildi.
“Biz Koreya yarim orolini yadrosizlantirish, shuningdek, Pxenyan bilan muzokaralar olib borish tarafdorimiz”, — dedi Kirbi.
Uning eslatishicha, Qo‘shma Shtatlar hech qanday dastlabki shartlarsiz Shimoliy Koreya bilan muzokaralar stoliga o‘tirishga tayyor. Ayni vaqtda Vashington Yaponiya va Janubiy Koreya bilan Pxenyanning raketa uchirishlariga javob berish variantlarini muhokama qilmoqda.
Eslatib o‘tamiz, avvalroq KXDR navbatdagi raketani uchirganidan keyin, Yaponiya Milliy xavfsizlik kengashi yig‘ilish chaqirgan edi. Ballistik raketa taxminan 800 kilometr masofani bosib o‘tgan va maksimal parvoz balandligi ikki ming kilometrga yetgan.
Avvalroq Iroq va Suriyada ISHID xavfi yuqori ekanligi haqida xabar berilgandi.
Nasiba To`xtayeva