Арктика музининг эриши чидамли бактериялар ва янги вирусларнинг чиқишига сабаб бўлиши мумкин
Британиянинг Абериствит университети ва Калифорниядаги реактив двигателлар лабораторияси олимлари Арктика музининг эриши совуқ уруш давридаги радиоактив чиқиндилар, шунингдек, антибиотикларга чидамли бактериялар ва янги вирусларнинг чиқишига сабаб бўлиши мумкин, деган хулосага келди. Бу ҳақда "Express" газетаси иқлим ўзгариши мавзусидаги мақолага асосланиб хабар берди.
Тадқиқот муаллифлари Совет Иттифоқи Янги ер архипелаги соҳилида 130 га яқин ядровий синовларни ўтказгани, Барентс ва Қора денгизларда 100 дан ортиқ ядровий сувости кемаларини чўктиргани ва йўқ қилганини ёдга олган.
Қўшма Штатлар, ўз навбатида, Гренландиядаги базада ядровий иншоот ёрдамида муз устида тадқиқотлар ўтказди.
Олимлар агар абадий муз эрийдиган бўлса, унда сақланаётган микроблар жонланиб, вакциналарга чидамли янги авлод инфекцияси пайдо бўлишидан ҳавотирда эканини айтишган.
Арктиканинг қирғоқбўйи ҳудудларида денгиз музи аввал тахмин қилинганидан икки баробар тез эримоқда.
Эслатиб ўтамиз, Антарктика музликларини ўрганган олимлар сўнгги 150 йил ичида ҳаводаги водород миқдори 70 фоизга ортганини айтганди.
Аввалроқ Орегон университети олимлари Ердаги иқлим ўзгариши сайёрамизнинг энг муҳим функцияларининг тиклаб бўлмас ёмонлашувига олиб келгани ҳақида хабар берилганди.
Насиба Тўхтаева
