Akayev “Qumtor” Oltin koni bilan bog‘liq jinoiy ish doirasida Qirg‘izistonga keltirilgan. Qirg‘iziston Milliy Xavfsizlik Davlat qo‘mitasi Asqar Akayev va boshqa yuqori martabali sobiq amaldorlarni 1992 yil “Qumtor” bo‘yicha bosh loyihani tuzishda, 1994 yilda kelishuvga o‘zgartirishlar kiritishda, bundan tashqari 2003 yilda Kanadaning Cameco kompaniyasi bilan tuzilgan bosh shartnomani qayta tuzishdagi korrupsion holatlar uchun javobgarlikka tortilganini maʼlum qildi.
Asqar Akayev 1990-2005 yillarda Qirg‘iz respublikasi prezidenti bo‘lgan. 2005 yildagi Lola Inqilobi natjasida hokimiyatdan chetlatilgan. Shundan keyin u Rossiyaga ketgan. Bu yerda sobiq prezident ilmiy faoliyat bilan shug‘ullangan.
Qirg‘iziston Milliy Xavfsizlik Davlat qo‘mitasi 2021 yil 8 iyul kuni Respublikaning sobiq prezidentlari- Asqar Akayev va Kurmanbek Bakiyevni “Qumtor” ishi doirasida xalqaro qidiruvga bergan edi.