БАА қонун ёзишда сунъий интеллектдан фойдаланган илк давлатга айланди
Янги тизим қонун ижодкорлиги жараёнини 70 фоизгача тезлаштириши мумкин.
Бирлашган Араб Амирликлари дунёда биринчи бўлиб қонунлар лойиҳасини тайёрлашда сунъий интеллектдан (AI) фойдаланишни бошлади. Ҳукумат маълумотларига кўра, янги тизим қонун ижодкорлиги жараёнини 70 фоизгача тезлаштириши мумкин.
Бу ташаббус мамлакатда рақамли трансформация ва инновацияни қўллаб-қувватлашга қаратилган кенг кўламли стратегиянинг бир қисми саналади. Янги AI асосидаги платформа қонунларни таҳлил қилади, амалдаги ҳужжатлар билан таққослайди ва янги нормаларни таклиф этади.
Амирликлар расмийлари таъкидлашича, сунъий интеллект фақат ёрдамчи восита бўлиб, қабул қилинадиган қарорлар барибир инсон ҳуқуқшунослари ва сиёсатчилар томонидан қайта кўриб чиқилади ва тасдиқланади. Бу эса ҳуқуқий аниқликни сақлаб, самарадорликни оширишга хизмат қилади.
