"Барселона" ҳужумчи изламоқда
Пер-Эмерик Обамеянг "Арсенал" клубини тарк этиши мумкин.
Ҳозирда футболчининг клуб билан муносабатлари ёмонлашган. У Франция сафари вақтида ваъда қилинганидан кеч қайтгани учун "Арсенал" клубида сардорлик боғичидан маҳрум қилинганди.
Ҳужумчи қишги трансфер ойнасида бошқа жамоага ўтиши мумкин.
Бугунги кунда "Барселона" учун Обамеянг ҳужумни кучайтириш вариантларидан бири бўлиб турибди. Клуб, шунингдек, "Челси" футболчиси Тимо Вернер ҳақида ҳам сўров ўтказган. Бундан ташқари "Манчестер Юнайтед" аъзоси Эдинсон Каванини ҳам ўз сафига қўшиб олиш бўйича музокаралар олиб бормоқда.
Эслатиб ўтамиз, Пер-Эмерик 2021/22 йилги мавсумда АПЛда 14 та ўйинда майдонга тушиб, 4 та гол урди.
Жамшидбек Амиров
