AQSH prezidenti Jo Bayden Navalniyning yaqinlari Yuliya va Darya Navalnaya bilan uchrashdi. Bu haqda mahalliy nashrlar xabar bermoqda.
"Bugun men Yuliya va Dasha Navalnaya – Aleksey Navalniyning yaqinlari bilan uchrashib, ularga fojiali yo‘qotish uchun hamdardlik bildirdim.
Alekseyning jasorati merosi uning bevasi Yuliya va qizi Dashada, shuningdek, Rossiya bo‘ylab demokratiya va inson huquqlari uchun kurashayotgan son-sanoqsiz odamlarda saqlanib qoladi", — deb yozgan Bayden uchrashuv haqida.
Uchrashuvda Yuliya Navalnaya "kurashni davom ettirishini" maʼlum qilgan.