Байден Навалнийнинг яқинлари билан учрашди
Президент уларга фожиали йўқотиш учун ҳамдардлик билдирган.
АҚШ президенти Жо Байден Навалнийнинг яқинлари Юлия ва Дарья Навалная билан учрашди. Бу ҳақда маҳаллий нашрлар хабар бермоқда.
"Бугун мен Юлия ва Даша Навалная – Алексей Навалнийнинг яқинлари билан учрашиб, уларга фожиали йўқотиш учун ҳамдардлик билдирдим.
Алексейнинг жасорати мероси унинг беваси Юлия ва қизи Дашада, шунингдек, Россия бўйлаб демократия ва инсон ҳуқуқлари учун курашаётган сон-саноқсиз одамларда сақланиб қолади", — деб ёзган Байден учрашув ҳақида.
Учрашувда Юлия Навалная "курашни давом эттиришини" маълум қилган.
