BBC: Исроил Ғазо секторидаги гуманитар зонада операция ўтказишга тайёрланмоқда
ЦАХАЛ бу ҳудудда ҲАМАСнинг қуролли бўлинмалари жойлашганини даъво қилмоқда.
Исроил қўмондонлиги ҳарбий операция олдидан Ғазо сектори жанубидаги гуманитар ҳудуднинг бир қисмидан тинч аҳолини вақтинча эвакуация қилишни буюрди.
Ғазонинг Ҳамас назоратидаги соғлиқни сақлаш вазирлиги маълумотларига кўра, Исроил сўнгги икки ҳафта ичида бу ҳудудда бир неча бор ҳаво ҳужумларини амалга оширган, натижада жами 90 нафар фаластинлик тинч аҳоли ҳалок бўлган.
Исроилнинг билдиришича, зарбалар ҲАМАСнинг қуролли қаноти қисмларини нишонга олган. Афтидан, ЦАХАЛ ҳудуддаги операциянинг қуруқлик босқичига ўтишга тайёр ва тинч аҳолидан ҳудудни зудлик билан тарк этишни сўрамоқда.
