"Бир соатлик подшо"
Швецияда янги тайинланган бош вазир бир неча соатдан кейин истеъфо берди.
Швеция тарихида илк бор аёл бош вазир Магдалена Андерссон лавозимга киришганидан бир неча соат ўтиб истеъфо сўради. Бу ҳақда "ТАСС" хабар берди.
"Мен легитимлигига шубҳа билан қараладиган ҳукуматни бошқаришни истамайман", — деган Андерссон.
У Швеция парламенти спикери Андреас Норленга социал-демократлардан иборат бир партияли вазирлар маҳкамасини бошқариш ниятида эканини маълум қилган. Истеъфога Атроф-муҳитни асраш партиясининг коалицион ҳукумат таркибидан чиқмоқчи эканлиги сабаб бўлган. Бу партия ҳукуматда камчиликни ташкил этган.
"Reuters" агентлиги Андерссоннинг ушбу лавозимни қайта эгаллашга катта имконияти мавжудлигини қайд этган.
Аввалроқ Швецияда коронавирус бўйича йирик тадқиқот ўтказилгани хабар қилинганди.
