Braziliya janubi-sharqidagi Minas-Jerais shtatida kuchli yomg'irlar ko'chki va toshqinlarni keltirib chiqardi. Bu haqda BBC News xabar bermoqda.
Kamida 15 kishi, jumladan, bolalar og'ir ob-havo sharoiti qurboni bo'ldi. Shu bilan birga, 28 mingdan ortiq aholi xavfsiz joyga evakuatsiya qilish uchun uylarini tark etgan.
Xususan, Xuatuba shahrida daryo qirg‘oqlaridan toshib, butun aholi turarjoylarini suv bosgan. Hozir shtatdagi 36 ta to‘g‘on avariya holatida. O‘z navbatida, olimlar mintaqadagi yomg‘irli ob-havoni iqlim o‘zgarishi bilan bog‘lashmoqda.
Avvalroq Braziliyaning Minas-Jerais shtatida 8-yanvar kuni Kapitoliy shahri yaqinidagi kanyonda uchta sayyohlik qayig‘i ustiga qoyaning bir qismi qulagani xabar qilingandi.