Britaniyalik mashhur aktyor Stiven Fray mamlakat hayvonlar farovonligi targ‘ibotchilari bilan hamkorlikda jiddiy murojaat bilan chiqdi.
Aktyor qirol gvardiyasi askarlaridan o‘zlarining uzun qalpoqlarini tayyorlashda haqiqiy ayiq terisidan foydalanishni bas qilishlarini talab qilmoqda.
Maʼlumki, qizil libos kiygan askarlar asrlar davomida shakllangan anʼanaga ko‘ra, tantanali tadbirlarda o‘zlarining “basbi” deya nomlanuvchi bosh kiyimlarida ko‘rinish berishadi.
Hozirda aktyor hukumatdan ularni sunʼiy mo‘ynalardan tayyorlanishi va bu orqali ayiqlar ovlanishining to‘xtatilishini so‘ramoqda.
"Anʼana hech qachon shafqatsizlik uchun bahona bo‘lolmaydi”, — deya taʼkidlagan Stiven Fray o‘z murojaati davomida.