Бухорода ўқувчи қиз директор томонидан калтакланди
Ҳолатга вилоят ХТБ расмий муносабат билдирди.
Ижтимоий тармоқда Бухоро вилояти Бухоро туманидаги 26-умумтаълим мактабининг 8-синф ўқувчиси мактаб директори томонидан аёвсиз калтаклангани фкс этган видеоёзув тарқалди. Ҳолат юзасидан вилоят халқ таълими бошқармаси расмий муносабат билдирди.
Ҳолатга аниқлик киритиш мақсадида бошқарма масъуллари томонидан ишчи гуруҳ тузилиб, тегишли ташкилотлар ва ҳуқуқ-тартибот идоралари ҳамкорлигида ўрганиш ишлари олиб борилган.
Аниқланишича, 8-синфда таҳсил олаётган ўқувчи қиз мактабнинг “Одоб-ахлоқ қоидалари”га риоя қилмаган ва мактаб директори уни жазолаш мақсадида калтаклаган.
“Ўз вазифасини бажаришда қўпол хатоликка йўл қўйган, ўқувчига нисбатан куч ишлатишга уринган мактаб директорининг хатти-ҳаракати юзасидан ИИБ томонидан суриштирув ишлари олиб борилмоқда. Вилоят халқ таълими бошқармаси мазкур ҳолат бўйича тегишли қонуний чорраларни кўради”, — дейилади хабарда.
