Доналд Трамп Жо Байденни Америка халқидан кечирим сўрашга чақирди

 

АҚШнинг собиқ президенти Доналд Трамп  амалдаги давлат раҳбари Жо Байденни Америка қўшинларини Афғонистондан олиб чиқиб кетгани учун кечирим сўрашга чақирди. Бу ҳақда «ТАСС» агентлиги сиёсатчининг баёнотига асосланиб хабар берган.

 

"Жо Байден 85 миллиард долларлик ҳарбий техниканинг радикал «Толибон» қўлига ўтишига йўл қўйгани учун Америкадан кечирим сўраши керак", — дейди Трамп.

 

Бундан аввал  “Fox News” телеканалида Трамп Байден бошчилигида АҚШнинг Афғонистондан чиқиб кетишини "мамлакат учун энг катта хўрлик" , деб атаган эди.

 

Эслатиб ўтамиз, АҚШ қўшинлари Афғонистондан чиқиб кетгач, «Толибон» мамлакатда ҳокимиятни қўлга олди.

 

 Насиба Тўхтаева