Германияда самолёт қариялар уйига фавқулодда қўнди
Бортда икки нафар йўловчи бўлган.
Германияда кичик Бристелл самолёти Бавариядаги Вилшофен аэропортидан ҳавога кўтарилгандан сўнг носозлик ҳақида сигнал берди ва қариялар уйи яқинида фавқулодда қўнишни амалга оширди.
Ҳодиса 2 март куни тушдан кейин содир бўлган. Самолёт бортида икки нафар йўловчи бўлган. Дастлабки суриштирув натижаларига кўра, парвоз вақтида двигатель ишдан чиққан.
Учувчи самолётни фавқулодда қўндиришга мажбур бўлди. Ҳаво кемаси Пассау туманидаги Донаутал қариялар уйидан атиги 50 метр масофада қўнди.
Ҳодиса оқибатида ҳеч ким жароҳатланмаган. Тез ёрдам ва фавқулодда хизматлар воқеа жойига етиб келган. Хабарларга кўра, етказилган зарар миқдори тахминан 150 000 еврони ташкил этади.
