Ҳафта давомида кузатиладиган об-ҳаво маълумоти эълон қилинди
Ҳаво ҳарорати ҳафтанинг ўртасига бориб бироз пасайиши мумкин
«Ўзгидромет» маълумотларига кўра, жорий ҳафта давомида Ўзбекистон ҳудуди бўйича ҳароратининг нисбатан ўзгариб туриши кутилмайди. Ҳафтанинг боши бироз иссиқ — кундуз кунлари 35-40 даража атрофида, жанубда баъзи жойларда 42-44 даража иссиқ бўлади. Ҳафта ўртасига бориб ҳарорат фони 33-38 даражагача пасайиши кутилмоқда.
Шунингдек, республика жанубида ҳам ҳарорат 2-3 даражага пасаяди.
Қайд этилишича, ҳафта давомида республиканинг катта қисми бўйича асосан қуруқ ва кам булутли об-ҳаво бўлиши кутилмоқда, фақат Қорақалпоғистон Респубикаси ва Хоразм вилоятида 17-18 июль кунлари, шунингдек 19-21 июль кунлари Ўзбекистоннинг тоғли ҳудудларида қисқа муддатли ёмғир ёғиши, момақалдироқ бўлиши мумкин.
Бундан ташқари, 17-18 июль кунлари шимолда ва чўл ҳудудларда, 19-20 июль кунлари республика бўйича баъзи жойларда шамол тезлиги кучайиши ҳамда айрим жойларда чанг-тўзон билан кузатилиши кутилмоқда.
