Hindiston AQShga po‘lat, avtomobil ehtiyot qismlari hamda farmatsevtika mahsulotlarini ma’lum shartlar asosida cheklovsiz import qilish imkonini taklif qildi. Bu taklif aprel oxirida Hindiston savdo vakillarining Vashingtonga safari chog‘ida ilgari surilgan.
Ma’lum qilinishicha, boj olinmaydigan import faqat belgilangan hajmda bo‘ladi. Undan ortib ketsa, odatdagi bojxona to‘lovlari kuchga kiradi.
AQSh tomoni esa sifat nazorati buyruqlari (QCOs) bilan bog‘liq ba’zi muammolarni hal qilishni istamoqda. Gap xorijiy ishlab chiqaruvchilar ham bajarishi shart bo‘lgan majburiy sifat standartlari haqida bormoqda. AQSh ularni noaniq va kamsituvchi deb hisoblaydi.
Hindiston esa bu talablarni ayrim sohalarda, xususan, tibbiy asboblar va kimyo mahsulotlarida qayta ko‘rib chiqishga tayyorligini bildirgan va sifat standartlarini o‘zaro tan olish bo‘yicha kelishuv tuzishni taklif qilgan.
Ayni paytda muzokaralar davom etmoqda va bu takliflar yakuniy bitim matniga kiritiladimi-yo‘qmi hali noma’lum.