Ҳиндистонда эркак хотинининг тўшагига кобра ташлаб ўлдирди
Ҳиндистонда хотинини тўшагига кобра ташлаб ўлдиришда айбланган эркак икки марта умрбод қамоқ жазосига ҳукм қилинди. Бу ҳақда “Straist Times” хабар берди.
Қайд этилишича, 28 ёшли Сураж Кумар 2020 йилда рафиқаси Утра вафотидан кейин ҳибсга олинган. Полиция Сураждан шубҳа қилиб, аёли ўлимини қотиллик сифатида текширди. Тергов хулосаларига кўра, эркак уни маҳр — 500 минг рупий (175 минг гривна) ва янги машина учун ўлдирган.
Ўтган йилнинг май ойида мамлакат жанубидаги уйида 25 ёшли уй бекаси ўлик ҳолда топилган эди. Аёлнинг отаси унинг ўлимига шубҳа билан қарайди. Чунки фожиадан бир неча ҳафта олдин ҳам уни илон чақиб олган, лекин тузалиб кетган.
Терговчилар ҳар икки уриниш ортида ҳам Сураж турган деган хулосага келди. Суд Сураж Кумарни ухлаб ётган хотини каравотига кобра ташлаганликда айбдор деб топди. Уни икки умрлик қамоқ ва 500 минг рупия миқдорда жарима жазосига ҳукм қилди.
Бундан аввал Италиянинг Монса шаҳрида украиналик эркак аёлини ёқиб юборгани ҳақида хабар қилинганди.
Насиба Тўхтаева
