Илон Маск кутилмаганда Хитойга борди
Унинг ташриф сабаби ҳозирча номаълум.
Америкалик бизнесмен, Tesla автомобиль компанияси бош директори Илон Маск кутилмаган ташриф билан Пекинга келди. Бу ҳақда Гонконгнинг South China Morning Post газетаси манбаларга таяниб хабар берди.
Нашрнинг ёзишича, ташриф кун тартиби ва тадбиркорнинг йўналиши ҳозирча номаълум. Жамоат авиацияси маълумотларига кўра, унинг шахсий самолёти кеча кечқурун Хитойга жўнаб кетган.
Миллиардернинг саёҳати Хитой пойтахтида бўлиб ўтаётган “Auto China 2024” 18-халқаро автомобиль кўргазмаси фонида бўлиб ўтмоқда.
Илон Маскнинг Хитойга тўсатдан учиб кетгани 28 апрель куни маълум бўлди. Манбаларга кўра, миллиардер бу мамлакатга ўзи бошқариладиган автомобиллар билан боғлиқ масалаларни муҳокама қилиш учун келган.
