Индонезиядаги вулқон оқибатида 13 киши ҳалок бўлди
Шу билан бирга, яна 98 киши куйиш жароҳатини олган, улар орасида икки ҳомиладор аёл ҳам бор.
Индонезиянинг Ява оролидаги Семеру вулқонининг отилиши оқибатида ҳалок бўлганлар сони 13 нафарга етди. Бу ҳақда Реутерс хабар қилди.
Табиий офатларни бошқариш миллий агентлиги расмий вакили Абдул Мухарийнинг сўзларига кўра, ҳозирча ҳалок бўлганлардан фақат икки нафарининг шахси аниқланган.
Шу билан бирга, яна 98 киши куйиш жароҳатини олган, улар орасида икки ҳомиладор аёл бор.
Камида 35 киши касалхонага ётқизилган. Офат ҳудудидан 902 киши эвакуация қилинган.
Кўплаб кўприклар ва уйлар вайрон бўлди.
Аввалроқ Япониянинг Огасавара архипелагидаги сув ости вулқони ўрнида диаметри бир километр бўлган орол пайдо бўлгани маълум қилинганди. https://zamon.uz/detail/yaponiyada-yangi-orol-paydo-boldi-dunyo
