Jizzax viloyatining Sharof Rashidov tumanida 13 iyul kuni ikkita avtomashina ishtirokida yo‘l-transport hodisasi yuz berdi. Holatga viloyat IIB YHXB axborot xizmati munosabat bildirdi.
Hodisa Sharof Rashidov tumani Bo‘ston MFY hududidan o‘tgan yo‘lda sodir bo‘lgan. 2000 yilda tug‘ilgan haydovchi Nexia-1 rusumli avtomashinasini Jizzax — Zafarobod yo‘nalishi bo‘ylab boshqarib ketayotgan vaqtida quvib o‘tish qoidasiga amal qilmagan. Oqibatda o‘ziga nisbatan qarama-qarshi yo‘nalishda harakatlanib kelayotgan Damas rusumli avtomashinaning yo‘nalishiga chiqib ketib, yo‘l-transport hodisasi sodir etgan.
YTH oqibatida Damas haydovchisi olgan tan jarohatlari bilan RSHTYOIM Jizzax filialining jonlantirish bo‘limiga yotqizilgan. Hozirda Sharof Rashidov tumani IIB tergov bo‘limi tomonidan surishtiruv ishlari olib borilmoqda.