Boris Jonson keyingi haftada Saudiya Araistoniga tashrif buyurmoqchi.
Bu haqa The Times xabar berdi.
Jonson Ar-Riyodni ko‘proq neft qazib chiqarishga chaqirmoqchi. The Times maʼlumotlariga ko‘ra, Britaniya bosh vazirining Rossiyaga qarshi sanksiya joriy etishdan asosiy maqsadi Moskvaning G‘arbga neft va gaz yetkazib berishini butunlay to‘xtatish.
Agarda Saudiya Arabistoni va Yaqin Sharqning boshqa davlatlari neft qazib olishni ko‘paytirsa, “U Moskvani dog‘da qoldirishi va Buyuk Britaniyada yashashni arzonlashishiga olib kelishi mumkin”.
Shu bilan birga Saudiya Arabistoni valiahd shahzodasi Salmon bin Muhammadning G‘arb, xususan, AQSH bilan munosabatlarida qator murakkabliklar bor. Avvalroq u Bayden bilan telefonda muloqot qilishdan bosh tortgandi.
The Times‘ning maʼlum qilishicha, Salmon bin Muhammad saudiyalik jurnalist Jamol Qoshiqchi o‘limi bilan bog‘liq vaziyatda immunitetga ega bo‘lmoqchi.
Ammo ekspertlar Jonsonning ushbu tashrifi amalda hech qanday natija bermasligini taʼkidlamoqda.
Eslatib o‘tamiz, avvalroq Vengriya bosh vaziri YEI Rossiya energetik sektoriga sanksiya joriy etmasligini maʼlum qilgandi.