Otishma mahalliy vaqt bilan ertalab soat toʻrtlarda sodir boʻlgan. Afgʻoniston xavfsizlik kuchlarining bir askari halok boʻldi, uch nafari yaralandi.
Otishmada Amerika va Germaniya harbiylari ham qatnashgan, lekin ulardan hech kim jabrlanmagan. Otishma va uning roʻy berish sabablari maʼlum emas.
Bundan avval NATO Kobul aeroporti va uning atrofida oxirgi yetti kun ichida kamida 20 kishi halok boʻlgani haqida xabar bergan edi. Guvohlarning aytishicha, ulardan baʼzilari otib oʻldirilgan, boshqalari tiqilinchda qolib vafot etgan.
Nasiba Toʻxtayeva