Кремль Путин ва Эрдоғоннинг учрашуви ҳақида эълон қилди
Учрашув қачон ва қаерда бўлиб ўтади?
Тез орада Туркия ва Россия президентлари Ражаб Тоййиб Эрдоғон ҳамда Владимир Путин ўртасида учрашув бўлиб ўтади. Аммо бунинг аниқ қаерда ва қачон бўлиши кейинроқ маълум қилинади, деди Кремль матбуот котиби Дмитрий Песков.
"Учрашув тез орада бўлиб ўтади. Бу ҳақда ўз вақтида маълум қиламиз", — деди у брифингда музокаралар Россия ҳудудида бўлиши мумкинми, деган саволга жавоб бериб.
Песков қўшимча маълумот бера олмаслигини айтган.
“Эълон қилиш саналари бўйича маълум келишувлар бор ва биз бу келишувларга амал қилиш ниятидамиз”, — деди у.
Шу билан бирга, Кремль вакили Россия, Туркия ва Қатар иштирокидаги дон келишуви бўйича ҳалигача аниқ келишувлар йўқлигини маълум қилди.
Аввалроқ ОАВда Туркия президенти Ражаб Тоййиб Эрдоғон Россияга ташриф буюриб, Владимир Путин билан учрашиб, ғалла келишувини муҳокама қилмоқчи эканлиги ҳақида хабарлар тарқалган эди. Бу Путиннинг ўзи Туркияга бориш ҳақидаги фикрини ўзгартиргандан кейин содир бўлди.
