Лукашенко Беларус урушга тайёрланаётганини айтди
“Биз урушга тайёрланяпмиз, мен бу ҳақда очиқ айтаман”, деди у.
Беларус президенти Александр Лукашенко унинг мамлакати урушга тайёрланаётганини айтди. Бу ҳақда у Гроднога сафари чоғида гапирди.
Лукашенко Минск ўзининг тинч келажагини қуришни исташини ва фақат бунёдкорлик тарафдори эканини таъкидлаган.
“Биз урушга тайёрланяпмиз, мен бу ҳақда очиқ айтаман. "Агар сиз тинчликни хоҳласангиз, урушга тайёрланинг" - мен буни ўйлаб топмадим. Бу жуда тўғри айтилган гап”, — деди Беларус президенти.
Унинг сўзларига кўра, мамлакатда тегишли тайёргарлик ишлари олиб борилмоқда, бироқ Минск ҳеч кимга таҳдид қилмаяпти.
Эслатиб ўтамиз, бундан олдин у Беларус ва Россия НАТО қўшинларининг Беларус чегарасида тўпланиши сабабли бўшашмаслиги кераклигини айтганди.
