Малайзияда сув тошқинлари кузатилмоқда
12 мингдан ортиқ одам эвакуация қилинди.
Малайзиядаги кучли ёмғирлар туфайли юзага келган сув тошқинлари оқибатида 12 мингдан ортиқ киши хавфсиз ҳудудларга эвакуация қилинди.
Бернама агентлигининг хабар беришича, табиий офатдан энг кўп зарар кўрган ҳудудлар Жоҳор, Сабаҳ ва Саравак штатлари бўлиб, уларда жами 12 285 нафар аҳоли вақтинчалик бошпаналарга жойлаштирилган. Жабрланганлар учун 100 дан ортиқ эвакуация марказлари ташкил этилган.
Эслатиб ўтамиз, 2024 йилда Малайзиядаги сув тошқинлари мамлакат иқтисодиётига 215 миллион доллар миқдорида зарар етказган, бу эса ЙИМнинг 0,05 фоизига тенг.
