Kitob tumanidagi markaziy dehqon bozori atrofida harakatlanib ketayotgan “Matiz” haydovchisi piyodaga qo‘pol munosabatda bo‘lib, uni haqoratlagani aks etgan video ijtimoiy tarmoqlarda keng tarqaldi.
Qashqadaryo viloyati ichki ishlar boshqarmasi axborot xizmati xabariga ko‘ra, Kitob tumani IIB YXHB xodimlari tomonidan tezkor surishtiruv tadbirlarini amalga oshirildi. Olib borilgan qidiruv jarayonlarida qoidabuzar haydovchi shaxsiga aniqlik kiritildi.
Maʼlum bo‘lishicha, o‘rganishlar davomida fuqaro Kitob tumani “Alaqo‘yliq” MFYda tug‘ilgan 20 yoshli B.A ekanlgi aniqlandi.
Unga qonunda ko‘rsatilgan tartibda bayonnoma rasmiylashtirilib, avtomashina jarima maydonchasiga joylashtirildi.
Eslatib o‘tamiz, avvalroq Surxondaryoda YPX xodimini kapotda sudrab ketgan haydovchiga chora ko‘rilgani, yo‘l harakati qoidalarini zid ravishda boshqargan haydovchilar aniqlangani hamda Toshkent viloyatida yuk mashinasi 7 ta mashina bilan to‘qnashib ketgani haqida xabar berilgandi.