Voqea 27 noyabr kuni Mexiko shahrining Xoxingo trassasida sodir bo‘lgan.
Shtat sog‘liqni saqlash departamentining bayonotiga ko‘ra, avtobus tormozi ishlamay qolgani sababli muvozanatni yo‘qotib binoga borib urilgan. Oqibatda 19 kishi halok bo‘lgan, 32 kishi jarohatlangan . Bu haqda ABC News xabariga asoslanib Interfaks maʼlum qildi.
Sog‘liqni saqlash vazirligi qurbonlar orasida bir necha ayollar va bolalar ham borligi haqida xabar bergan.
Maʼlum bo‘lishicha avtobus «Turismo Tejeda» sayyohlik kompaniyasiga tegishli bo‘lib, Sahuayo (Michoakan shtati) munitsipalitetidan xristianlar ziyoratgohi bo‘lgan Santuario del Senor de Chalmaga ketayotgan bo‘lgan.
Avvalroq, Antalyada avtobus ag‘darilgani va uch nafar Rossiya fuqarosi vafot etgani hamda Pokistonda sodir bo‘lgan YTHda 30 kishi halok bo‘lgani haqida xabar berilgandi.
Munojat Valiyeva