Mirishkor tumani hokimining mahalla va oilani qo‘llab-quvvatlash masalalari bo‘yicha o‘rinbosari U.Yaxshiyev 50 ming dollar pora olayotganda qo‘lga tushgan.
Bosh prokuratura matbuot kotibi Hayot Shamsutdinovning maʼlum qilishicha, unga nisbatan Jinoyat kodeksining 168 (Firibgarlik) va 28, 211 (Pora berish) moddalari bilan jinoyat ishi qo‘zg‘atilgan. Gumonlanuvchi protsessual tartibda ushlangan.
Eslatib o‘tamiz, avvalroq Sirdaryoda qo‘lga olingan hokim o‘rinbosari va uning hamtovog‘iga nisbatan sud hukmi o‘qilgandi. Shuningdek, Buxoro shahar hokimligi sobiq mulozimi firibgarlikka qo‘l urgani, Qo‘qon shahar hokimining birinchi o‘rinbosari pora olayotganda ushlangani hamda Buxoroda hokimlik zaxirasidagi yerni 8 000 AQSH dollarga sotmoqchi bo‘lgan shaxs qo‘lga olingani haqida xabar berilgandi.