энг долзарб
|
09 Октябр 09:22
452
энг долзарб
|
09.10.2021, 09:22
452

Cирдарёда қўлга олинган ҳоким ўринбосари ва унинг ҳамтовоғига нисбатан суд ҳукми ўқилди

Сўнгги пайтларда фирибгарлик орқали мўмай даромад топиш илинжида жиноятларга қўл ураётганлар кўпайиб бормоқда. Ҳаётда шундай қинғир ишлар бўладики, у ҳақда эшитган вақтимизда беихтиёр: "туппа-тузук одам эди-ку, нима "жин уриб" номақбул ишларни қилибди?" — дея ҳайрон қоламиз. Аслида бунинг сабаби нафс балосига ва осон бойлик орттиришга бориб тақалади.

 

Cирдарёда қўлга олинган ҳоким ўринбосари ва унинг ҳамтовоғига нисбатан суд ҳукми ўқилди

 

Қайд этилишича, М.Холбековнинг аризасига асосан шу куни тезкор тадбир давом эттирилиб, Гулистон тумани ҳокимининг саноатни ривожлантириш, капитал қурилиш, коммуникация ва коммунал хўжалик масалалари бўйича биринчи ўринбосари Б.Салиметов фирибгарлик, яъни алдаш ёки ишончни суиистеъмол қилиш йўли билан ўзганинг мулкини қўлга киритиш мақсадида, хизмат мавқеидан фойдаланиб, фуқаро М.Каримовани Гулистон тумани, "Юлдуз" мавзесида кам таъминланган оилалар учун қурилаётган кўп қаватли арзонлаштирилган уй-жойлардан хонадон олиши учун рўйхатга қўйиб, ёрдам бериш эвазига олдиндан талаб қилган 400 АҚШ долларини М.Холбековдан Сирдарё вилояти Товар хом-ашё биржаси биноси яқинида олган вақтида ашёвий далиллар билан қўлга олинган.

 

Суд томонидан Б.Салиметовга ЖКнинг 25,168-моддаси 3-қисми "в" банди билан ЖКнинг 45-моддасини қўллаб, 2 йил 6 ой муддатга давлат органларида мансабдорлик ва моддий жавобгарлик билан боғлиқ лавозимларда ишлаш ҳуқуқидан маҳрум қилинди. Шунингдек, базавий ҳисоблаш миқдорининг 300 баравари миқдорида (73.500.000) сўм жарима жазоси бергиланди. М.Холбековга эса ЖКнинг 25,168-моддаси 2-қисми "б" банди, 28,211-моддаси 1-қисми билан ЖКнинг 45, 59, 61-моддалари тартибида 2 йил муддатга давлат органларида мансабдорлик ва моддий жавобгарлик билан боғлиқ лавозимларда ишлаш ҳуқуқидан маҳрум қилинган ҳолда 2 йил 2 ой озодликни чеклаш жазосини тайинланди.

 

Алдов ва фириб йўли билан топилган бойлик Б.Салиметов ва М.Холбековга буюрмади. Улар топган-обрўсини тушириб, эл-юрт олдида уятга қолди.

 

Аввалроқ Бухоро шаҳар ҳокимлиги собиқ мулозими фирибгарликка қўл ургани, Қўқон шаҳар ҳокимининг биринчи ўринбосари пора олаётганда ушлангани ҳамда Бухорода ҳокимлик захирасидаги ерни 8 000 АҚШ долларга сотмоқчи бўлган шахс қўлга олингани ҳақида хабар берилганди.