Davlat bojxona qo‘mitasi Kontrabandaga qarshi kurash va bojxona auditi bosh boshqarmasi xodimlari Namangan viloyati bojxona boshqarmasi hamda DXX xodimlari bilan hamkorlikda soxta valyutalarning noqonuniy aylanmasiga qarshi tezkor tadbir o‘tkazishdi.
Tadbir davomida, fuqarolar M.Sh. va N.N.lar shartli xaridorga 10 ming AQSH dollari soxta valyutalarini 6500 AQSH dollariga sotayotgan vaqtida ashyoviy dalil bilan qo‘lga olindi.
Hozirda yuqoridagi holat yuzasidan bojxona organlari tomonidan surishtiruv harakatlari olib borilmoqda.
Avvalroq, yangihayotlik shaxs “Iphone 12 PRO”ni qalbaki pulga sotib olgani hamda poytaxt aeroportida yo‘lovchining bagajdagi sochiqlar orasidan 5000 qalbaki AQSH dollari aniqlangan haqida xabar berilgandi.
Munojat Valiyeva