Наманганда сохта доллар билан икки фуқаро қўлга олинди
Бу ҳақда Давлат божхона қўмитаси ахборот хизмати раҳбари Нурбек Саломов Zamon.uz'га маълум қилди.
Давлат божхона қўмитаси Контрабандага қарши кураш ва божхона аудити бош бошқармаси ходимлари Наманган вилояти божхона бошқармаси ҳамда ДХХ ходимлари билан ҳамкорликда сохта валюталарнинг ноқонуний айланмасига қарши тезкор тадбир ўтказишди.
Тадбир давомида, фуқаролар М.Ш. ва Н.Н.лар шартли харидорга 10 минг АҚШ доллари сохта валюталарини 6500 АҚШ долларига сотаётган вақтида ашёвий далил билан қўлга олинди.
Ҳозирда юқоридаги ҳолат юзасидан божхона органлари томонидан суриштирув ҳаракатлари олиб борилмоқда.
Аввалроқ, янгиҳаётлик шахс “Iphone 12 PRO”ни қалбаки пулга сотиб олгани ҳамда пойтахт аэропортида йўловчининг багаждаги сочиқлар орасидан 5000 қалбаки АҚШ доллари аниқланган ҳақида хабар берилганди.
Муножат Валиева
