Олимлар кийикнинг янги турини аниқлашди
Бундай кашфиёт сўнгги 60 йилда амалга оширилмагани айтилмоқда.
Олимлар Перуда яшовчи кийикларнинг янги турини аниқлашди. Перулик, чилилик ва бразилиялик мутахассислардан иборат гуруҳ шимолий Пиура минтақасида тадқиқот олиб борди.
Илмий иш натижалари шуни кўрсатдики, илгари бир турдаги Пуду Мепҳистопҳелес деб таснифланган кийиклар аслида икки хил турдир. Бири (Пуделла мепҳистопҳила) Хуанкабамба шимолий қисмида, иккинчиси (Пуделла сарлаэ) жанубда жойлашган.
Пуделла сарлаэ 21-асрда тасвирланган биринчи кийик туридир. Бундай кашфиётлар Янги Дунёда 60 йил давомида амалга оширилмаган.
Кийик Перу учун эндемик ҳисобланади. У қисқа оёқлари ва кичик танаси билан ажралиб туради. Кийик популяциялари қўриқланадиган табиий ҳудудларда, жумладан Рио-Абисео миллий боғи ва Пуи Пуи ўрмон қўриқхонасида яшайди.
Олимларнинг таъкидлашича, янги турни аниқлаш ва унинг сақланиш ҳолати, шунингдек, биологик хусусиятлари ва экотизимдаги ролини аниқлаш керак.
