Jahon statistika maʼlumotlariga ko‘ra, odamlar bugungacha birgina video o‘yinlari uchun 146 million AQSH dollaridan ortiq pul sarflagan. Urgut tumanida yashovchi 18 yoshli yigit o‘zgalarning mashinasidan pul o‘g‘irlab, internet o‘yinlar uchun ishlatib yuborgan. U qarovsiz qoldirilgan mashinalarning biridan 1 700 AQSH dollari, boshqasidan esa 2 yarim million so‘m miqdoridagi pullarni o‘g‘irlab ketgan.
Unga O‘zbekiston Respublikasi Jinoyat kodeksining 169-moddasi 3-qism “A” bandi bilan jinoyat ishi qo‘zg‘atilib, qamoqqa olish ehtiyot chorasi qo‘llanilgan.
Hozirda dastlabki tergov harakatlari davom etmoqda.
Eslatib o‘tamiz, avvalroq onlayn qimor jabrdiydalari hamda eri ayoli va bolalarini qimorga tikkani haqida xabar berilgandi.
Maftuna Rejabboyeva