Жаҳон статистика маълумотларига кўра, одамлар бугунгача биргина видео ўйинлари учун 146 миллион АҚШ долларидан ортиқ пул сарфлаган. Ургут туманида яшовчи 18 ёшли йигит ўзгаларнинг машинасидан пул ўғирлаб, интернет ўйинлар учун ишлатиб юборган. У қаровсиз қолдирилган машиналарнинг биридан 1 700 АҚШ доллари, бошқасидан эса 2 ярим миллион сўм миқдоридаги пулларни ўғирлаб кетган.
Унга Ўзбекистон Республикаси Жиноят кодексининг 169-моддаси 3-қисм «А» банди билан жиноят иши қўзғатилиб, қамоққа олиш эҳтиёт чораси қўлланилган.
Ҳозирда дастлабки тергов ҳаракатлари давом этмоқда.
Эслатиб ўтамиз, аввалроқ онлайн қимор жабрдийдалари ҳамда эри аёли ва болаларини қиморга тиккани ҳақида хабар берилганди.
Мафтуна Режаббоева