Ўзбекистондаги 2 та ОТМ Буюк Британиянинг халқаро рейтинг ташкилоти томонидан тақдирланди
Қайси олийгоҳлар тақдирлангани бўйича вазирлик маълумот берди.
10 июнь куни Буюк Британиянинг энг нуфузли халқаро рейтинг ташкилотларидан бири QS (Quacquarelli Symonds) World University Rankings 2023 натижалари эълон қилинди. Бу ҳақда Олий ва ўрта махсус таълим вазирлиги Матбуот хизмати хабар берди.
Қайд этилишича, ушбу рейтингдан 1422 та ОТМ ўрин эгаллаб, халқаро рейтинг ташкилоти томонидан 4 та номинация бўйича бутун дунёдан 26 та олий таълим муассасасига ғолиблик тақдим этилган.
Ўзбекистондан 2 та ОТМ “QS World University Rankings” 2023 рейтингидаги муваффақиятли иштироки учун “QS Recognition of Data Engagement” номинацияси бўйича тақдирланди.
Булар:
—Тошкент давлат юридик университети;
—Тошкент давлат иқтисодиёт университети.
Маълумот учун: “QS Recognition of Data Engagement” номинацияси QS халқаро рейтинг ташкилоти томонидан юқори самарадорлик натижасида алоҳида фаоллик кўрсатган олий таълим муассасаларига берилади.
