Bu haqda Polisia.kz xabar berdi. Unga ko‘ra, 22 yoshli muhojir Qozog‘iston poytaxtiga iyun oyi oxirida kelgan. Xorijlik 6 ta o‘g‘rilik holatiga aloqadorligi aniqlandi. O‘g‘irlangan narsalar orasida pul va mobil telefonlar ham bo‘lgan.
Gumonlanuvchi uning jinoiy harakati videokuzatuv kameralariga tushib qolganini bilmagan. Videotasvirlarda uning namozga kelgan odamlar buyumlarini qoldiradigan yacheykalardan sumkalarni o‘g‘irlagani aks etgan.
Tezkor qidiruv tadbirlari davomida gumonlanuvchi ushlanib, qo‘lga olindi. U o‘z aybiga iqror bo‘ldi, politsiya to‘rtta telefonni ashyoviy dalil sifatida musodara qildi.
Mazkur holat yuzasidan Qozog‘iston Respublikasi Jinoyat kodeksining 188-moddasi (o‘g‘irlik) bilan tergovga qadar tergov harakatlari olib borilmoqda.