Путин Лукашенко билан Кремлда 5 соат суҳбатлашди
Федерация раҳбарининг сўзларига кўра, Ғарб санкциялари Россияни янада кучлироқ қилган.
Суҳбатнинг асосий мавзуларидан бири Украина атрофидаги вазият, биринчи навбатда, Москва ва Киев ўртасидаги икки томонлама музокаралар бўлди.
“Бизнинг музокарачилар менга хабар қилганидек, маълум бир ижобий ўзгаришлар бор”, деди Путин.
Лукашенконинг таъкидлашича, Украина Қуролли кучлари нафақат Донбассдаги ҳужумга, балки Белорусга ҳам бостириб киришга тайёрланган. Унинг сўзларига кўра, Беларусь ва Россиядагилар ҳозирги вазиятда “нима ва ким ҳақ” эканини аста-секин тушуна бошлаган.
Путиннинг сўзларига кўра, сўнгги йилларда Ғарб Россияга қарши кўплаб санкциялар киритган, аммо бу мамлакатни янада кучлироқ қилган.
“Ҳозир иқтисодга шундай катта зарба бериляпти. Аммо сўнгги йиллар амалиёти шуни кўрсатдики, ғарбликлар бизга чеклов қўйган жойда биз янги малакаларга эга бўлдик ва эскиларини ўша технологик даражада тикладик”, деб тушунтирган у.
