Qashqadaryo viloyati Chiroqchi tumanidagi umumta’lim maktablaridan birida 2025-yil 8-fevral kuni 8-sinf o‘quvchilari ingliz tili darsi vaqtida o‘zaro bahslashib, bir-biriga nisbatan haqoratli so‘zlar ishlatgan. Dars jarayonida o‘qituvchi E.F. tartib buzilishining oldini olish maqsadida o‘quvchilardan birini sinfdan chiqib ketishini so‘ragan, biroq o‘quvchi bu talabga bo‘ysunmasdan pedagogga nisbatan noo‘rin so‘zlar ishlatgan.
Mazkur holat yuzasidan xizmat tekshiruvi tayinlanib, tegishli tartibda o‘rganish o‘tkazildi. Natijada pedagog xodimlarga intizomiy jazo choralari qo‘llanildi.
Shuningdek, maktab ichki tartib-qoidalariga rioya qilmagan o‘quvchilarning ota-onalariga nisbatan Ma’muriy javobgarlik to‘g‘risidagi kodeksning 47-moddasi asosida bayonnoma rasmiylashtirildi.