Қиролича Елизавета II спиртли ичимликлардан бутунлай воз кечди
Буюк Британиянинг 95 ёшли қироличаси Елизавета II шифокорлар тавсиясига кўра спиртли ичимликлар истеъмолидан воз кечди. Бу ҳақда Telegraph газетаси ўз манбаларига таниб хабар қилмоқда.
Қайд этилишича, Британия қироличаси мартинидан воз кечиб, фақат минералли сув ичишни бошлади.
"Шифокорлар яқинда унга алкоголдан воз кечишни тавсия қилди. Шу боис у гарчи ҳеч қачон кўп ичмаган бўлса-да, спиртли ичимликлардан бутунлай воз кечишни лозим топди.", - дейди газета манбаси.
Хабар қилинишича, қиролича Елизавета II нинг иш жадвали тиғиз бўлиши кутилмоқда. Ноябрь ойида у Глазгода COP26 иқлим саммитида иштирок этиши ва тахтга чиққанининг 70 йиллигини нишонлаши керак. Қиролича бу тадбирлар олдидан саломатлигига жиддий эътибор қаратишга қарор қилди.
Аввалроқ Қиролича Елизавета II номи Пандора ҳужжатларида 910 миллион долларлик кўчмас мулк савдоси билан боғлиқ шартномада келтирилгани ҳақида хабар берилган эди.
Шарофат Маҳмудова
