Braziliyada Rojdestvo munosabati bilan o‘tlazilgsn bayram tadbirida piyodalar yo‘lagi o‘prilib, o‘nlab odamlar chuqurga tushib ketgan. Bu haqda TSN xabar qildi.
Chuqurda 21 kattalar va 12 bola bo‘lgan. Ularning barchasi qutqarib olindi. Qurbonlar va jiddiy jarohat olganlar yo‘q.
Piyodalar yo‘lagining qulashi sabablari hozircha aniqlanmagan.
Taxminlarga ko‘ra, chuqur asfalt ostidagi quvurlarning sizib chiqishi tufayli paydo bo‘lgan.
Bundan avval AQSHning Viskonsin shtatida tashkil etilgan Rojdestvo bayram paradida haydovchi politsiya tomonidan o‘rnatilgan to‘siqlarni katta tezlikda buzib, odamlar ustidan bosib o‘tib ketgan. Natijada 40 kishi jarohat olgan, 5 nafar inson hayotdan ko‘z yumgandi. Shuningdek, Ufada 38 yoshli ayol ko‘p qavatli uyning derazasidan tushib ketgani haqida ham xabar berilgan.
Nasiba To‘xtayeva