Ukraina prezidenti Vladimir Zelenskiy Rossiya yaqin kunlarda yangi hujumlarni boshlashi mumkinligi haqida ogohlantirdi. Bu haqda u o‘zining Telegram’dagi murojaatida ma’lum qildi.
Davlat rahbarining so‘zlariga ko‘ra, Moskva global muzokaralarda qulayroq siyosiy sharoit yaratish maqsadida zarbalardan foydalanishga urinishi ehtimoldan xoli emas.
“Rossiya qo‘shinlarining harakati va tayyorgarligi kuzatilmoqda. Biz, albatta, qarshilik ko‘rsatamiz – kerak bo‘lsa, assimetrik tarzda. Men Bosh qo‘mondondan jangovar qo‘mondonlar bilan uchrashishni so‘radim. Ukrainaga kuchli mudofaa pozitsiyalari va aniq qarshilik zarur”, — dedi Zelenskiy.