Россияда ўзбекистонлик мигрантга суиқасд уюштирилди
Беморнинг аҳволи оғирлиги айтилмоқда.
Россиянинг Санкт-Петербург шаҳрида ўзбекистонлик мигрант кўкрак қафасидан пичоқлаб кетилди. Бу ҳақда 78.ru хабар берди.
Айтилишича, жабрланувчи 1989 йилда туғилган Ўзбекистон фуқароси Красное Селодаги кафе ҳудудида бўлган. Номаълум шахс тўсатдан унинг кўкрак соҳасига пичоқ билан урган. Оқибатда ўзбекистонлик мигрант кўкрак қафасининг пичоқ билан кесилган тешик жароҳати ва юрак жароҳати билан касалхонага ётқизилган.
Қайд этилишича, беморнинг аҳволи оғир бўлгани сабабли полициянинг сўроқ қилиш имкони бўлмаган. Айни пайтда жиноят иши қўзғатиш масаласи ҳал этилмоқда. Воқеа жойидан бармоқ ва оёқ излари топилган. Айбланувчини қидириш ишлари олиб борилмоқда.
