Samarqand viloyati Kattaqo‘rg‘on tumanida fuqarolarga haydovchilik guvohnomasi olib berishni va’da qilgan avtomaktab xodimi pora bilan qo‘lga tushdi. Bu haqda viloyat IIB axborot xizmati xabar berdi.
Qayd etilishicha, huquqni muhofaza qiluvchi organ xodimlari avtomaktab xodimi imtihonlarsiz guvohnoma olib berishi haqidagi ma’lumot yuzasidan tezkor tadbir o‘tkazgan. Unda haqiqatdan ham mas’ul xodim ikki nafar fuqaroga qisqa muddatda, mashg‘ulotlarga qatnashmasdan “prava” olib berish uchun pul talab qilgani aniqlangan.
U o‘zining xizmati evaziga 3 million so‘m olgan vaqtida ashyoviy dalillar bilan ushlangan.